امثال مصرية شعبية بس على موضة 2010 ****

النهارده جايبلكم امثال متحوله من شعبيه لحديثه يعنى فيها بعض مصطلحات الكمبيوتر و يارب تعجبكو*******

المكتوب على الديسك...لازم يشوفه الهيد.
(المكتوب على الجبين لازم تشوفة العين)

- ديسكك حصانك...ان صنته صانك.
(لسانك حصانك ان صنتة صانك)

- يا دار ما دخلك virus .
(يا دار ما دخلك شر)

- اللي على راسه bad sectors يحسس عليها.
(اللى على راسة بطحة يحسس عليها)

- لو لك عند الكلب حاجة...قول له يا webmaster .
(لوكان لك حاجة عند الكلب قولة يا سيدى)

- الكمبيوتر اللي فيه هاردين .. يشتغل عليه اتنين.
(القفة (اللى هى زى المشنة او شىء مصنوع من شىء مثل الخيش )ام ودنيبن يشيلوها اتنين
- ابن الهاكر كراكر.
(ابن الوز عوام)
- ما اسخم من دوس الا ويندوز.
(مااسخم من ستى الا سيدى)


- كل مهندس كمبيوتر حجته معاه.
(كل غايب حجتة معاة)

- اللي ما عندوش fire wall ما يحدفش الناس trojans .
(اللى بيتة من زجاج مايحدفش الناس بالتوب)

- الديسك اللي يوجعك...فرمته.
(العيار اللى مايصبش يدوش)

- السيرفر اللي من غير security يعلم ال hacking .
-ان خرب الكمبيوتر ارمية
(ان كبر ابنك خاوية)


- لا تعايرني و لا اعايرك...ده الويندوز قارفني وقارفك.
(لا تعايرنى ولا اعايرك دة الهم طايلنى وطايلك)

- فلان وفلان كارتين في slot.
-القرد فى عين امة بيل جيتس
(القرد فى عين امة غزال)
- ادي جهازك للصيانة ولو انسرق نصه.



- كل برنامج وله كراك
(كل فولة ولها كيال)

-عقبال ما تتصلح الشاشة يكون الهارد خرب
(عقبال ما تتكحل العمشة يكون السوق خرب)


يارب يكون الموضوع عجبكو ............... !!
******************
&& اما الامثال الاخرى عن الطبخ وخلافة
*********************
1-من طلب العلا يتفضل فى كابينه (4)
-من طلب العلا سهر الليالى

2- اللى بيته من إزاز ميغيرش هدومه فى الصالون
اللى بيتة من ازاز مايحدفش الناس بالتوب

3- فاقد الشىء يدور عليه
فاقد الشىء لا يعطية
4- اقلب القدره على فومها الفول يقع منها
اقلب القدرة على فومها تطلع البت لامها

5- تأتى الرياح محمله بالأتربة
تأتى الرياح بما لا تشتهى السفن

6- ياخبرالنهارده بفلوس بكره ينزل عليه أوكازيون
يا خبر النهاردة بفلوس بكرة يبقى ببلاش
7- اللى معاه قرش محيره يجيب حمام ويحمره
اللى معاة قرش محيرة يجيب حمام ويطيرة

8- جت الحزينه تفرح شغلت حكيم ورقصت
جت الحزينة تفرح مالقتلهاش مطرح


9- قال يامحشحشين يكفيكوا شر الكمين
قال يا قاعدين يكفيكوا شر الجايين

10- اللى ياكل لوحده يشبع
اللى ياكل لوحدة يزور
11- لاتبكى على اللبن فى البسكوت
لا تبكى على اللبن المسكوب

12- اقطع عرق و حته بتلو
اقطع عرق وسيح دمة

13- اطبخى ياجاريه الأنبوبه فاضيه يا سيدى
اطبخى يا جارية كلف يا سيدى
14- لو حبيبك عسل ما تحطلوش طحينة
لو حبيبك عسل ما تلحسوش كلة
15- اللى يتلسع من الشوربه يتصل بالمطافى
اللى يتلسع من الشوربة ينفخ فى الزبادى
16- بكره ترجع ريما من عند خلتها فى مارينا

بكرة ترجع ريما لعادتها القديمة
17- ياداخل بين البصله وقشرتها حط قطرة علشان هادمع من ريحتها
يا داخل بين البصلة وقشرتها ما ينوبك الا ريحتها

18- اصوم اصوم وافطر على المدفع
اصوم اصوم وافطر على بصلة

19- القرش الأبيض بيعوم فى البحر الأحمر
القرش الابيض ينفع فى اليوم الاسود
20- ضربوا الأعور على عينه قالهم كسرتوا النضاره


21- اللى ميشفش من الغربال يكشف نظر
اللى ما يشفش من الغربال يبقى اعمى

22- المال السايب يعلم الطلبه
المال السايب يعلم السرقة

23- نام وارتاح وكل عسل نحل التمساح


24- من خرج من داره مينساش يأخد المفتاح معاه
من خرج من دارة يتقل مقدارة
25- الباب اللى يجيجلك منه الريح شيله وركب قبنورى
الباب اللى يجيلك منة الريح سدة واستريح
26- المضطر يركب التاكسى
المضطر يركب الصعب
27- رب صدفة خير من ألف ليلة و ليلة
رب صدفة خير من الف ميعاد
28- اللى يخاف من العفريت يعمل عبيط

اللى يخاف من العفريت يطلع لة
29- حجه البليد بصرف فلوسى على الوييد
حجة البليد مسح التختة (السبورة)

30- المركب اللى فيها رايسين يلعبوا طاولة
المركب اللى فيها رايسين تغرق
31- اللى خدتوا الأرعه تخدو ام الخلول
اللى خدتوة القرعة تاخدة ام الشعور
32- اللى ميعرفش يقول what
اللى ما يعرفش يقول عدس

33- أكل العيش يحب الطعميه
اكل العيش مر
34- العين عليها lenses
العين عليها حارس

35- قالوا للحرامى أحلف قالهم و**** قلبى وأفراحوا
- ما ينفعش نحلف غير بالله ..
. ماشي يا عم الشيخ خدنا على جناجك -

36-رب صدفة خير من ألف ليلة و ليلة
رب صدفة خير من الف ميعاد

37-مسير الحي يتسفلتمسير الحى يتلاقى
38- عند الامتحان يأكل المرء او ينام
-عند الامتحان يكرم المرء او يهان
نام وارتاح يأتيك النجاح
من سهر الليالى بات للعام التالى
ومن فوائد الغش ****

اولا: يعمل الغش علي تقوية روح الصداقة والتعاون بين الطلاب ودعم روابط المودة.. والشعار الدائم للطلاب:
"التعاون أساس النجاح".
ثانيا: يتيح حسن الجوار.
ثالثا: تقدم للمراقب خدمة جليلة الذي سينشغل بما تفعلة بدلا من الاكتئاب والملل الذي قد يصيبة من جراء جلوسة بلا عمل طوال مدة الامتحان.
رابعا: يتيح لك الغش اظهار روح التضحية اذ سيتمكن زملاؤك من الغش دون اي مخاطر لان المراقب سيكون مشغولا بما تفعلة.
خامسا: ستتمكن من التعرف علي المسؤولين عن لجنة الامتحانات مثل مراقب الدور وربما رئيس اللجنة وبذلك تصبح من الشخصيات المشهورة اللامعة.
سادسا: سينتهي الامر غالبا بسحب ورقة الامتحان وباتالي تعود الي المنزل قبل باقي زملائك بدلا من الجلوس في مكانك بلا اي فائدة.
سابعا: اذا كنت سعيد الحظ قد تحرم من دخول باقي الامتحانات و بالتالي ستتمكن من الاستمتاع بالاجازة الصيفية مبكرا.

شكرا عالموضوع الطريف